▶️ የግብጽ ፕሬዚዳንት የጋዛ ግጭት ወደ ቀጣናው እንዳይስፋፋ አስጠነቀቁ የግብጽ ፕሬዚዳንት አብደል ፈታህ አል-ሲሲ፣ የመካከለኛው ምሥራቅ ቀጣና፣ “ጊዜውን የሚጠብቅ ፈንጂ ነው፤” ሲሉ፣ የጋዛ ግጭት እንዳይስፋፋ አስጠንቅቀዋል። ግብጽ፣ በኢራን በሚደገፈው የየመን ሁቲ ሚሊሺያ የተላኩ እንደኾኑ የገለጸቻቸውን በርካታ ሰው ሠራሽ አውሮፕላኖች(ድሮኖች)፣ ባለፈው ሳምንት ዐርብ መትታ እንደጣለች አስታውቃለች። ኢራን በእጅ አዙር የምታንቀሳቅሰው የሊባኖሱ ሒዝቦላህም፣ ግጭቱ ከተጀመረበት ጊዜ አንሥቶ፣ በሰሜን እስራኤል ላይ፣ ሮኬቶችንና ሌሎች ቦምቦችን፣ በሰሜን እስራኤል ላይ ሲተኩስ ቆይቷል። ይህም፣ በእስራኤል እና በሊባኖስ መካከል ግጭት ሊቀሰቅስ ይችላል፤ የሚል ስጋት ፈጥሯል። ካይሮ የሚገኘው ዘጋቢያችን ኤድዋርድ ይራኒያን ያደረሰን ዘገባ ነው⤵️ | VOA Amharic

▶️ በቁንጅና ውድድር የአንጎል ካንሰርን እየታገለች ተስፋዋን ያደመቀችው ራይሞክ ቃለ ኣብ ራይሞክ ቃልኣብ ትባላለች፡፡ በአጋጠማት የአንጎል ካንሰር ሕመም፣ የሕክምና ክትትል ለማድረግ፣ ከኤርትራ ወደ ሀገረ ታይላንድ ታቀናለች። በታይላንድ ቆይታዋ፥ ከሕመሙ፣ ከሕክምናው ወጪ እና ሒደት በተጨማሪ፣ ከልጆቿ እና ከቤተሰቦቿ መራቋ ለድባቴ አጋልጧት ነበር፡፡ ታዲያ ራይሞክ ወደ ቁንጅና ውድድር የገባችው፣ ከዚኽ ኹኔታ ለመውጣት ያደረባት ተነሣሽነት ነበር፡፡ ዝርዝሩን ከተያያዘው ፋይል ይከታተሉ⤵️ | VOA Amharic

▶️ ኢትዮጵያ፣ ሶማሊላንድ፣ ሶማሊያ - የዛሬ ውሎ በሶማሊላንድ ዕውቅና ጉዳይ አቋም እንደሚወስድ የኢትዮጵያ መንግሥት አስታወቀ። ለኢትዮጵያ የባሕር በር፣ ለሶማሌላንድ በኢትዮጵያ አየር መንገድ ድርሻ ያስገኛል የተባለውን ይህንን የመግባቢያ ሠነድ ሶማሊያ “በሉዓላዊነቷ ላይ የተቃጣ ጥቃት”፣ "ዋጋቢስና ህጋዊ መሠረት የሌለው ነው” ብላዋለች። ኢትዮጵያ ደግሞ “በስምምነቱ የሚጎዳ ሀገርም ሆነ የተጣሰ ሕግ የለም” ብላለች። ስምምነቱን የሚቃወም ግዙፍ ሰልፍ ሞቃዲሾ ላይ፣ ስምምነቱን የሚደግፍ ሌላ ግዙፍ የተባለ ሰልፍ ሃርጌሣ ላይ መካሄዳቸውን ሪፖርተሮቻችን ዘግበዋል። ዝርዝሩን ከተያያዘው ፋይል ይከታተሉ፡፡ https://amharic.voanews.com/a/igad-ethiopia-somaliland/7425284.html | VOA Amharic